ಬೆಂಗಳೂರಿನಲ್ಲಿ 17 ವರ್ಷದ ಮಗಳ ಮೇಲೆ ಅಪ್ಪನಿಂದ ನಿರಂತರ ಅತ್ಯಾಚಾರ

Last Updated on Friday, 17 January 2014 17:33

Published on Friday, 17 January 2014 17:28

ಬೆಂಗಳೂರು(ಜ.17): ಬೆಲಿಯೇ ಎದ್ದು ಹೊಲ ಮೇಯ್ದಂತೆ ಸ್ವಂತ ಅಪ್ಪನೇ ತನ್ನ ಮಗಳ ಮೇಲೆ ಅತ್ಯಾಚಾರ ಎಸಗಿರುವ ಪೈಶಾಚಿಕ ಘಟನೆ ವರದಿಯಾಗಿದೆ. ಕುಂಬಳಗೋಡಿನ ಭುವನೇಶ್ವರಿನಗರದಲ್ಲಿ 17 ವರ್ಷದ ತನ್ನ ಮಗಳ ಮೇಲೆ ಅಪ್ಪನೊಬ್ಬ ನಿರಂತರ ಅತ್ಯಾಚಾರವೆಸಗಿದ ಪ್ರಕರಣ ಬೆಳಕಿಗೆ ಬಂದಿದೆ. 55 ವರ್ಷದ ಆರೋಪಿ ಮುತ್ತುರಾಜ್'ನನ್ನ ಪೊಲೀಸರು ಬಂಧಿಸಿದ್ದಾರೆ.

ಈ ಕಿರಾತಕ ಅಪ್ಪ ಬಹಳ ದಿನಗಳಿಂದ ಅಪ್ರಾಪ್ತೆ ಮಗಳ ಮೇಲೆ ಅತ್ಯಾಚಾರ ಎಸಗಿಕೊಂಡು ಬಂದಿದ್ದ. ಭಯದ ಕಾರಣದಿಂದ ಬಾಲಕಿ ಎಲ್ಲ ಕಹಿಯನ್ನೂ ನುಂಗಿಕೊಂಡು ಬಂದಿದ್ದಳು. ಆದರೆ, ಈಕೆ ಗರ್ಭಿಣಿಯಾದ ನಂತರ ಅಮ್ಮನಿಗೆ ಎಲ್ಲಾ ವಿಷಯ ಗೊತ್ತಾಗಿದೆ. ಬಾಲಕಿಯ ತಾಯಿಯೇ ಪೊಲೀಸ್ ಠಾಣೆಯಲ್ಲಿ ದೂರು ಸಲ್ಲಿಸಿದ್ದಾರೆ. ಪೊಲೀಸರು ಸದ್ಯ ಆರೋಪಿ ಮುತ್ತುರಾಜ್'ನನ್ನ ಬಂಧಿಸಿ ವಿಚಾರಣೆಗೊಳಪಡಿಸಿದ್ದಾರೆ.

• < Prev
• Next >