ബസ് യാത്രക്കിടെ ആ 'ശങ്ക' ഇനി വേണ്ട, കുടിവെള്ളം ഫ്രീയായി കയ്യിലെത്തും! പദ്ധതിയുമായി പത്തനംതിട്ട ട്രാഫിക് പൊലീസ്
ട്രാഫിക് എസ് ഐ അസ്ഹർ ഇബ്നു മിർസാഹിബും സഹപ്രവർത്തകരുമാണ് ദീർഘദൂര കെ എസ് ആർ ടി സി ബസുകളിലെ യാത്രക്കാർക്ക് സ്വന്തം ചിലവിൽ കുടിവെള്ള നൽകുന്ന പദ്ധതിയുമായി രംഗത്തെത്തിയിരിക്കുന്നത്
പത്തനംതിട്ട: ബസ് യാത്രക്കിടെ പലപ്പോഴും ദാഹിച്ച് വലഞ്ഞവർ നമ്മുടെ ഇടയിൽ അനവധിയുണ്ടാകും. ദീർഘദൂര ബസുകളിലാണെങ്കിൽ പിന്നെ പറയുകയും വേണ്ട. ചിലപ്പോഴൊക്കെ ഒരു തുള്ളി വെള്ളം കിട്ടാനായി ബസ് ഒന്ന് നിർത്തിയിരുന്നെങ്കിൽ എന്ന് പ്രാർത്ഥിച്ചിട്ടുള്ളവരും കുറവാകില്ല. പത്തനംതിട്ട വഴിയാണ് യാത്രയെങ്കിൽ ഇനി ആ പേടി വേണ്ട. ബസ് യാത്രകാർക്കായി പത്തനംതിട്ടയിൽ സൗജന്യ കുടിവെള്ളം വിതരണം തുടങ്ങിയിരിക്കുകയാണ്. പത്തനംതിട്ട ട്രാഫിക് പൊലീസാണ് പദ്ധതി അവതരിപ്പിച്ചിരിക്കുന്നത്. ട്രാഫിക് എസ് ഐ അസ്ഹർ ഇബ്നു മിർസാഹിബും സഹപ്രവർത്തകരുമാണ് ദീർഘദൂര കെ എസ് ആർ ടി സി ബസുകളിലെ യാത്രക്കാർക്ക് സ്വന്തം ചിലവിൽ കുടിവെള്ള നൽകുന്ന പദ്ധതിയുമായി രംഗത്തെത്തിയിരിക്കുന്നത്.
ഏഷ്യാനെറ്റ് ന്യൂസ് വാർത്തകൾ തത്സമയം കാണാം
