FacebookTwitter

ಮಹಿಳೆಯ ಮೊಣಕಾಲಿನಲ್ಲಿ 100 ಬಂಗಾರದ ಸೂಜಿಗಳು ಪತ್ತೆ - ಎಕ್ಸ್ ರೇ ತೆಗೆದ ವೈದ್ಯರಿಗೆ ಶಾಕ್

    User Rating:  / 0
    PoorBest 

ಬೋಸ್ಟನ್(ಜ.17): ಹೌದು, ನಂಬಿದರೆ ನಂಬಿ ಬಿಟ್ಟರೆ ಬಿಡಿ. ದಕ್ಷಿಣ ಕೊರಿಯಾದ ಮಹಿಳೆಯೊಬ್ಬಳ ಮೊಣಕಾಲಿನಲ್ಲಿ ಬರೋಬ್ಬರಿ 100 ಬಂಗಾರದ ಸೂಜಿಗಳು ಪತ್ತೆಯಾಗಿವೆ. ಎಕ್ಸ್ ರೇ ತೆಗೆದು ಪರೀಕ್ಷೆ ನಡೆಸಿದ ಅಮೆರಿಕದ ಬೋಸ್ಟನ್ ವಿಶ್ವವಿದ್ಯಾಲಯದ ವೈದ್ಯರು ಅಕ್ಷರಶಃ ದಂಗಾಗಿದ್ದಾರೆ. ಅಂದಹಾಗೆ, ಈ ಮಹಿಳೆಯ ಮೊಣಕಾಲಿನಲ್ಲಿ ಸೂಜಿಗಳು ಹೇಗೆ ಬಂದವು ಎಂದು ಹುಡುಕುತ್ತಾ ಹೊರಟಾಗ ಸಿಕ್ಕ ಉತ್ತರ ಆಕೆ ಈ ಹಿಂದೆ ಪಡೆದಿದ್ದ ಚಿಕಿತ್ಸೆ.

ಹೌದು, ತೀವ್ರ ಮೊಣಕಾಲು ನೋವು, ಸಂಧಿವಾತದಿಂದ ಬಳಲುತ್ತಿದ್ದ 65 ವರ್ಷದ ಮಹಿಳೆ ನೋವು ನಿವಾರಕ ಮಾತ್ರೆ, ಚಿಕಿತ್ಸೆಗಳನ್ನ ಪಡೆದಿದ್ದರಂತೆ. ಆದರೆ ಅದರಿಂದ ಯಾವುದೇ ಗುಣ ಕಾಣದೆ ಹೊಟ್ಟೆ ಸಮಸ್ಯೆ ಕಾಡಲಾರಂಭಿಸಿತ್ತಂತೆ. ಹೀಗಾಗಿ, ಆ ಮಹಿಳೆ ಅಕ್ಯುಪಂಕ್ಚರ್ ಚಿಕಿತ್ಸೆಯ ಮೊರೆ ಹೋಗಿದ್ದರಂತೆ. ಸಾಮಾನ್ಯವಾಗಿ ಅಕ್ಯುಪಂಕ್ಚರ್`ನಲ್ಲಿ ಸೂಜಿಯಿಂದ ದೇಹದ ಭಾಗಕ್ಕೆ ಚುಚ್ಚಿ ಚಿಕಿತ್ಸೆ ಕೊಡಲಾಗುತ್ತೆ. ಆ ಸಂದರ್ಭದಲ್ಲಿ ನೋವು ನಿವಾರಣೆಯ ಶಾಶ್ವತ ಉತ್ತೇಜನಕ್ಕಾಗಿ ಅಕ್ಯುಪಂಕ್ಚರ್ ಚಿಕಿತ್ಸಕರು ಬಂಗಾರದ ಸೂಜಿಗಳನ್ನ ಮೊಣಕಾಲಿನಲ್ಲಿ ಬಿಟ್ಟಿದ್ದಾರೆ ಎನ್ನಲಾಗಿದೆ.

ಈ ಚಿಕಿತ್ಸೆಯಿಂದ ಮಹಿಳೆಯ ಮೊಣಕಾಲಿನ ನೋವೇನೋ ಕಡಿಮೆಯಾಗಿತ್ತು. ಆದರೆ, ಮೊಣಕಾಲಿನ ಊತ, ಸೋಂಕು ಮತ್ತು ಹುಣ್ಣಿನ ಸಮಸ್ಯೆ ಕಾಡಲಾರಂಭಿಸಿತ್ತು. ಹೀಗಾಗಿ, ಕೊರಿಯಾ ಮಹಿಳೆ ಬೋಸ್ಟನ್ ವಿಶ್ವವಿದ್ಯಾಲಯದ ವೈದ್ಯರ ಬಳಿ ಚಿಕಿತ್ಸೆಗೆ ತೆರಳಿದಾಗ ಎಕ್ಸ್ ರೇಯಲ್ಲಿ ಮೊಣಕಾಲಿನಲ್ಲಿ ಬಂಗಾರದ ಸೂಜಿಗಳಿರುವುದು ಪತ್ತೆಯಾಗಿದೆ.

 

 

 

Add comment




 

More items in this section